Wjaselimy se nad Wašym zajmom za naš webbok. Šćit Wašeje priwatneje sfery jo za nas wjelgin wažny. W slědujucem informěrujomy Was nadrobnje wó wobchadanju z Wašymi datami.

1. Zagronite městno za šćit datow
Zagronite městno za šćit datow jo Domowina – Zwězk Łužyskich Serbow z. t.
Rěcny centrum WITAJ
zastupjony pśez kněni dr. Beatu Brězanowu
Postplatz 2 / Postowe naměsto 2
02625 Bautzen / 02625 Budyšyn
Deutschland / Nimska
Tel.: +49 (0) 35 91 / 55 04 00
E-Mail: sekretariat@witaj.domowina.de
Webseite: www.witaj-sprachzentrum.de

2. Zasady zběranja a składowanja Wašych datow
Wujasnijomy Wam w našom wuzjawjenju wó šćiśe datow, pśi kótarych tšojenjach Waše daty zezběrajomy a składujomy a za kótary zaměr se to stawa. Njamóžomy-li pśi tom na Waše pšašanja dopołnje wótegroniś, wobrośćo se pšosym na našogo zagronitego (kontaktowe daty pód cyfru 1).

a. Zaměr a pšawniski zakład pśeźěłanja datow
Pśeźěłujomy Waše daty za zaměr, až móžośo naš webbok bźez mólenja wužywaś, k wobźěłanju Wašych napšašowanjow ako teke za rědowanje z Wami wótzamknjonych dogronow. Pšawniski zakład za pśeźěłanje datow jo artikel 6 wótstawk 1 zakładnego póstajenja wó šćiśe datow.

b. Znicenje resp. blokěrowanje datow pśi wótpadnjenju zaměrowego póstupowanja
Zasadnje płaśe kazni datoweje žarjabnosći a wobgranicowanego składowanja. Waše wósobinske daty składujomy jano tak dłujko, ako jo to trjebne za dojśpiśe zaměrow wopisanych za jadnotliwe napšawy. Pó wótpadnjenju zaměra znicyjomy Waše daty.
Pśedpišo-li nam kazń dlejše wobchowanje, znicyjomy daty pó wótběgu kazniskego casa.

c. Pšawa na informaciju, pópšawjenje, blokěrowanje, znicenje a pśeśiwjenje
Maśo pšawo, kuždy cas dostaś informaciju wó Wašych pla nas składowanych wósobinskich datach. Gaž pla nas składowane daty su zmólkate, maśo pšawo na pópšawjenje.

Móžośo kuždy cas pominaś znicenje Wašych wósobinskich datow, jolic njetrjebamy wěcej te daty za rědowanje dogrona z Wami. Znicenju mógu mimo togo kazniske winowatosći chowanja napśeśiwo stojaś. W tom paźe maśo pak pšawo na to, až Waše daty blokěrujomy.

Za wugbanje wopisanych pšawow wobrośćo se pšosym na našogo zagronitego (kontaktowe daty pód cyfru 1).

d. Pšawo wobśěžkowanja
Maśo pšawo, se wobśěžkowaś pla doglědowańskego zastojnstwa za šćit datow.

e. Změna našych póstajenjow wó šćiśe datow
Buźomy našo wuzjawjenje wó šćiśe datow stawnje pśiměriś aktualnym pšawniskim pominanjam. Taka pótrjeba pśiměrjenja móžo teke z togo wuchadaś, až našo póbitowanje rozšyrjamy. Woglědujośo-li znowego naš webbok, płaśi pótom nowe wuzjawjenje wó šćiśe datow. 

3. Zwěsćenje, pśeźěłanje a wužywanje Wašeje IP-adrese
a. Zběranje wobchadowych datow
Móžośo naš bok woglědaś, bźez togo, až aktiwnje pódajośo daty k Wašej wósobje. Zběramy pśistupne daty, kótarež nam Waš webbrowser pósrědnijo. To su:
· typ / wersija browsera
· wužywany źěłański system
· referrer URL (do togo woglědany bok)
· hostowe mě pśistupujucego licaka (IP-adresa)
· cas serwerowego napšašowanja
· cas pśebywanja a wubrane pódboki

Toś te daty se jano z techniskich pśicynow zběraju. Z nimi njejo móžna identifikacija Wašeje wósoby. Waš provider by pak mógał na zakłaźe pla nas składowaneje IP-adrese Waš internetowy pśizamk identificěrowaś.

Pšawniski zakład za pśeźěłanje jo artikel 6, wótstawk 1, pismik f) DSGVO. Mamy wopšawnjony zajm na tom, prezentěrowaś Wam za Waš browser optiměrowany webbok a zmóžniś Wam komunikaciju mjazy našym serwerom a Wašym kóńcnym rědom. Za to slědne jo wósebnje pśeźěłanje Wašeje IP-adrese trjebne.

4. Cookieje

Wužywamy tak pomjenjone „cookieje“. Cookieje su małe tekstowe dataje, kótarež se pśenjasu wót serwera webboka na Wašu twardu platu. Pśez to dostawamy awtomatiski wěste daty ako na pś. IP-adresu, wužywany browser, źěłański system Wašogo kompjutera a Waš zwisk k internetoju.

Cookieje njamógu se wužywaś, aby mógali programy startowaś abo wiry na kompjuter pśenjasć. Z pomocu w cookiejach wopśimjonych informacijow móžomy Wam wólažcyś nawigaciju a zmóžniś korektne pśedstajenje našych webbokow.

Na žeden pad se wót nas zgromaźone daty na tśeśich dalej njedawaju abo teke njenastanjo bźez Wašogo pśizwólenja zwězanje z wósobinskimi datami.

Se wě, až móžośo naš webbok zasadnje teke bźez cookiejow woglědaś. Internetowe browsery su pšawidłownje tak nastajone, až wóni cookieje akceptěruju. Móžośo wužywanje cookiejow kuždy cas pśez nastajenja Wašogo browsera deaktiwěrowaś. Pšosym wužywajśo pomocne funkcije Wašogo internetowego browsera, aby zgónili, kak móžośo toś te nastajenja změniś. Pšosym źiwajśo na to, až jadnotliwe funkcije našogo webboka snaź njefunkcioněruju, gaž sćo wužywanje cookiejow deaktiwěrowali.

5. Napšašowanja pśez mejlku
Pśiźośo pśez mejlku do kontakta z nami, zběramy a składujomy Waše pśi tom pódane daty k zaměroju wobźěłanja napšašowanja a ewentualnje slědujucych pšašanjow. Pśi tom wuchadamy z togo, až pśigłosujuśo składowanju a pśeźěłanju toś tych datow.